Cardiff Arms, Cilgerran

Wedi’i lleoli ar y stryd fawr. Mae’n dwyn enw cartref y tafarnwr cyntaf. Credir yn gyffredinol ei bod wedi agor ar gyfer dyfodiad y rheilffyrdd. Y tafarnwr ym 1907 oedd William Mason a fe gafodd ei restio ddwywaith am werthu alcohol ar y Sul. Yn ffodus iddo fe ni aethpwyd a’r mater ymhellach.

Y tafarnwyr trwyddedig ym 1955 oedd  Bill a Mair Jones ac erbyn hyn Bragdy Felinfoel oedd berchen y lle. Un o’r ychydig dafarndai lle gwelir cwrwgl yn hongian uwchben y drws ffrynt. Canolbwynt y Ras Cyryglau a gynhelir pob mis Awst.